إعلان مدينتي رمضان 2020.. ملخص ردود الأفعال والاتهام بالعنصرية (فيديو)
أثار إعلان مدينتي لمجموعة هشام طلعت مصطفى في رمضان 2020 جدلا واسعا بسبب محتواه، وتصدر مواقع التواصل الاجتماعي وطلبات البحث.
إعلان مدينتي رمضان 2020
بدأ الإعلان باستعراض مناظر حية من الأعلى لمدينتي تظهر المساحات الخضراء الواسعة والتنظيم المعماري والمساحات المائية التي تبرز جمالا خلابا.
يبدأ عرض آراء لبعض قاطني مدينتي والرحاب بالتزامن مع استمرار اللقطات الحية من داخلهما، ويتحدث أول شخص ويقول «إنت النهاردة في مكان مش موجود جوه مصر ولا بره مصر.. الإبداع في التصميم والتخطيط بيخرج مرة واحد كل عشرين أو تلاتين سنة ».
ويقول آخرين: «بيفكر ازاي يحول الرمل لدهب.. بياخد المكان يكاد يكون ميت بيخليه جنه.. أول ما بدخل مدينتي بحس إن أنا في دنيا تانية.. أنا عايشة في إنجلترا معظم حياتي وأول سكن فكرت أسكن في مصر كان في مدينتي.. مفيش مكان في جمهورية مصر العربية زي مصر ومدينتي».
ويتابعون: «مدينة من أجمل المدن على مستوى العالم.. هنا الحياة حلوة ومفيش تلوث والمساحات واسعة بين البيوت وفاهمين يعني إيه privacy.. الشوراع الواسعة والهدوء التنظيم والمساحات الخضراء في كيدز اريا في كل حتة غير الجناين.. كل حاجة موجودة هنا مش مضطرين كتير نطلع من مدينتي.. ممكن اقعد سنة كاملة مطلعش منها».
ويضيفون: «مهمتمين دايما بيها وبيجددوا الحاجات اللي فيها.. الناس كلها هنا شبه طبعا والـ community هنا حلوة قوي.. الجيرة حلوة والحاجة بتتعمل من غير ما نطلب.. المياه بتتعالج وبيتسقي بيها الزرع يعني مفيش هدر.. أحسن مدارس في مصر والخدمات هنا كلها 5 دقايق مشي من كل مكان».
وأثار الإعلان غضبا واسعا على وسائل التواصل الاجتماعي واعتبره البعض دعوة للعنصرية والتفرقة الطبقية.
وتناول كثيرون الإعلان بطريقة ساخرة من نفس المنطلق والذي يرى أن الرسالة من وراءه تهدف لإظهار ساكنيها بالغنى دونا عن غيرهم.
