نور هشام سليم يدافع عن سارة حجازي: «أنا متحول جنسيا»
ظهر نور هشام سليم نجل الفنان هشام سليم، في مقطع فيديو مدافعا عن سارة حجازي الناشطة السياسية التي انتحرت في كندا، وأثارت جدلا كبيرا بعد وفاتها، وشن العديد من مستخدمي مواقع التواصل الاجتماعي هجوما عليها بسبب إلحادها واتهامها بالشذوذ، لتنقسم التعليقات على نبأ وفاتها بين مدافعين عنها ومهاجمين لها.
نور هشام سليم يدافع عن سارة حجازي
وظهر نجل الفنان هشام سليم في فيديو عبر حسابه الشخصي بموقع انستجرام، وقال: «اللي راضي بيا ومش راضي بملك الكاشف يبقي منافق، اللي راضي بيا ومش راضي بسارة حجازي يبقي منافق.. واللى هيجي يقول لا أصل دا الدين ودا الإسلام، لا دا دينك أنت وحياتك أنت، وبراحتك تفكر بطريقتك بس متفرضش دينك عليا أو على سارة أو على ملك».
يأتي ذلك بعد إعلان الفنان هشام سليم في أحد البرامج التليفزيونية بشهر رمضان، تحول نجله من فتاة لولد بعد إجراء عمليه تحويل جنسي، وشهدت تلك الحلقة جدلا كبيرا أيضا.
نور هشام سليم يفجر مفاجأة حول تحوله الجنسي
وأضاف نور هشام سليم في مقطع الفيديو الخاص به: «فين الإنسانية يا جماعة، اللي هيجي يقول لا أصل انت عادى بس المثليين والمثليات حرام.. هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا أنا قدام ربنا اللي عملته دا غلط بس أنتو كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود يأكلها».
وتابع: «هتقولوا عليا كدا لما أموت؟ عادي مش فارقلي، بس لو أنت بتشرب وبتزني وبتحشش أنا زي زي سارة حجازي، واللي مش راضي بيها مش راضي بيا، واللي مش راضي بيها مش عاوزة عندي.. إحنا بني آدمين يا جماعة، الجريمة بتاعتها ايه؟ إنها بتحب البنات؟ أنتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا.. أنتو لو فاكرين لو دا اختيار إني أطلع مثلي أو مثلية يبقوا أنتو مش فاهمين حاجة خالص، ليه اختار إن أنا اتغذب، ليه اختار حاجة زي كدا، فكروا فيها».
