تسريب مسلسل الاختيار 3.. فيديو لقاء السيسي وطنطاوي ومرسي
عرضت الحلقة الثامنة من مسلسل الاختيار الجزء الثالث تسجيلا مصورا من لقاء جمع الرئيس السيسي حينما كان يعمل مديرا للمخابرات الحربية، مع وزير الدفاع الأسبق، المشير محمد حسين طنطاوي، والرئيس الأسبق محمد مرسي.
تسريب مسلسل الاختيار 3
وسبق التسريب مشهدا من المسلسل بين الثلاثي مجسد الشخصيات الثلاث وهم ياسر جلال وأحمد بدير وصبري فواز.
يبدأ التسريب بمقاطعة المشير طنطاوي لحديث الدكتور محمد مرسي للتأكيد على أن اللقاء يجب أن يكون ثنائيا، قائلا: «هو المفروض ميكونش موجود علشان دي بيني وبينك»، فيشير اللواء السيسي متسائلا عن إمكانية خروجه.
يشير المشير طنطاوي إلى عمق العلاقة بينه وبين اللواء عبدالفتاح السيسي «ده مش بس إبني وبعدين ده على فكرة يعني قربه من الله وإخلاصه لله.. الحمد لله»، ليعلق السيسي: «يا رب أكون كده».
موعد إعادة مسلسل الاختيار 3
يعلق مرسي: «سيادة اللواء عبدالفتاح السيسي شخصية الحقيقة .. احنا يعني بنعتبره من الأسس اللي مع حضرتك.. الدراع الأساسية يعني مش هنقول دراع يمين لكن الأدرعة كتير»، ليعلق طنطاوي مجددا «ده من زمان.. يعني أنا حاطط عيني عليه وهو لسه عقيد».
ويرد السيسي: «وسيادتك برضو يا فندم كان سيادتك مشير برضو».
ويدخل مرسي في أساس الموضوع الذي عقد اللقاء من أجله ليقول: «النتيجة متتغيرش لإن دي لو حصلت ليس لها من دون الله كاشفة» في إشارة لنتيجة الانتخابات الرئاسية 2012، ويتابع: «الموجة اللي موجودة موجة إضرام نيران لمن لا يقدر المسؤولية.. أنا لا أتمنى هذا ولا أريده ولا أوافق عليه».
ويرد المشير طنطاوي: «عايزك تاخد بالك من إن لو حصل جهة ما حاولت أن تضرم النار في البلد دي هتبقى مصيبة على البلد وعلينا وخليهم مفيش داعي للحاجات دي».
يرد مرسي مجددا «أن بس أنا بقول لحضرتك إنه التصرف اللي موجود.. الشعور اللي موجود شعور تلقائي وليس مخطط له» ليقاطعه طنطاوي: «لا في تخطيط معلش».
ويكمل مرسي: «النقطة التانية هو انعقاد مجلس الشعب» ليرد طنطاوي: «انعقاد مجلس الشعب مقدرش أعمل فيه حاجة.. معلش أنا أصارحك القول أنا مقدرش ألغي القرار.. مع احترامي ليس من سلطتي إني ألغي القرار.. مش أنا اللي أصدرت القرار ده قرار محكمة».
يرد مرسي: «علشان بس متجيش يوم من الأيام بعد يومين تلاتة أربعة تقول إن احنا ضيعنا فرصة» ليقاطعه طنطاوي: «أعمل إيه؟! هلغي حكم المحكمة؟ أنا مقدرش أعمل كده».
يرد مرسي مجددا «القرار هيطبق ولكن بطريقة يتفق عليها في مرحلة لاحقة أنا اقترحت اقتراح واضح احنا قدامنا 3 منافذ الأول يتلغي القرار ودي مسألة مش صعبة، الحاجة التانية إن الموضوع يحال للفتوى والتشريع وياخد بعض الوقت لغاية ما يقول رأيه».
يرد المشير طنطاوي: «أنا لو جمعت دلوقتي المجلس وعرضت عليهم مفيش حد هيوافق على الكلام ده.. الموضوع ده مش متفق معاك».
يرد مرسي: «إذا استشعر الناس إن سدت كل المنافذ» ويقاطعه طنطاوي: «الشعب مين؟! معظم الشعب بيقول كلام تاني خالص احنا شايفين».
يعود مرسي لمبتدأ الحديث: «النتيجة إذا اتغيرت يا سيادة المشير سيؤدي إلى حالة من الاضطراب لا نعرف إلى أي مدى ستذهب وساعتها ولا انا انتو هتقدروا تمنعوها ستتوجه الاضرابات إلينا ستمثل خطر حقيقي غير 11 فبراير أنا برصد الواقع لحضرتك أنا لك ناصح أمين».
