ملخص خطاب السيسي اليوم: مصر تحتاج 19 تريليون جنيه سنوياً
ألقى الرئيس عبد الفتاح السيسي كلمة اليوم الثلاثاء 25 أكتوبر 2022، خلال فعاليات الجلسة الختامية للمؤتمر الاقتصادي مصر 2022، والتي أكد فيها أن مصر تحتاج إلى تريليون دولار سنوياً بما يعادل من 18 إلى 19 تريليون جنيه.
الزيادة السكانية
وتطرق الرئيس عبد الفتاح السيسي اليوم إلى مشكلة الزيادة السكانية في مصر، مشيراً إلى أن جميع الرؤساء السابقين على مصير تحدثوا فيها ولكن لم يستطع أحد أن يحلها.
وقال الرئيس السيسي في سياق حديثه : «الزيادة السكانية عبدالناصر والسادات ومبارك الله يرحمهم اتكلموا فيها ومحدش حلها.. طيب ليه متحلتش.. يا ترى المؤسسات الدينية والتعليمية اشتغلت لحل هذا التحدى كعقبة أمام نمو هذه الامة ولا لأ؟ هل رجال الدين عملوا كده؟.. أنا عارف إن الله هو الرزاق بس في كل الفهم للأحاديث والنصوص بنتكلم في إطار قدراتك مش في إطار قدرات الآخرين..والدولة لأنها مش مسئولة ومش من الصح إنها تصرف على الأسر..ده معناه دعوة لـلأ..مقصدتش كده».
الواقع العالمي
وتناول الرئيس في خطابه اليوم الواقع الحالي على مستوى العالم وما له من أثير سلبي على الدول والشعوب، مطالباً ىالحكومة بالعمل على عدم تحميل المواطن لأعباء إضافية خلال الفترة المقبلة نظرا للظروف الاقتصادية العالمية
وجاء في كلمته :«الواقع الموجود في العالم تأثيره سلبي جدا على كل الدنيا..والشعوب بتعاني..وإحنا في مصر حالتنا مش هتتحمل ضغط أكتر من كده..بل بالعكس هتحتاج مننا نزود مظلتنا للحماية الاجتماعية في المرحلة الموجودين فيها حتى نخفف على المواطنين تداعيات الأزمة دي.. بذلك أوجه الحكومة بتعزيز مظلة الحكومة لتخفيف تداعيات الأزمة الاقتصادية العالمية على المواطنين..وتوفير أقصى درجات الدعم والمساندة للفئات الأكثر تأثرا».
تريليون دولار سنوياً
وتضمنت كلمة الرئيس اليوم أن حجم الإنفاق كبير، بقوله :«فكرة حل المسألة ، حد تاني يقولى طيب ما انت بتنفق أهو ..ما انت معاك فلوس اهو؟ طيب ماشى..هو كل اللى معايا كام؟ ..دولة زى مصر بعدد سكانها عاوزة تريليون دولار في السنة تصرفه يعني 19 أو 18 تريليون جنيه.. الموازنة كلها كام؟ 2 تريليون وشوية نصهم ايه؟ مش كده.. لو مش منتبهين ان ده حال مصر هنتكلم لغة مختلفة وتشكل رأى عام على أن الدولة والقائمين عليها هيضيعوها وأخشى أن اللى بيضيعوها هما اللى بينظروا عليها.. علشان كده كنا محتاجين نعمل ده في كل شيء الاقتصاد والتعليم ونتكلم كتير واللى عندنا وحد يطرح حلول ونشوف الحلول نقدر نعمل منه قد إيه نفس الكلام فى الإعلام».
