دار الإفتاء المصرية تحدد قيمة زكاة الفطر 2023

مع انتهاء شهر رمضان المبارك، يسأل العديد من المسلمين عن قيمة زكاة الفطر، وآخر موعد لإخراجها وطريقة حسابها.

كشفت دار الإفتاء المصرية عبر صفحتها على موقع التواصل الاجتماعي «فيسبوك» قيمة زكاة الفطر 2023.

قيمة زكاة الفطر 2023 

قالت دار الإفتاء المصرية إن قيمة زكاة الفطر 2023 للفرد تقدر بـ 30 جنيه كحد أدنى.

ونشرت دار الإفتاء «حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب، طيب سعر أردب القمح كام 1700 جنيه، والأردب فيه 150 كيلو يبقى سعر الكيلو كام 11.33 إحدى عشر جنيه وثلاثة وثلاثون قرشًا، طيب والزكاة أد ايه 2.04 كيلو يبقى نضرب 2.04 كيلو * 11.33 يطلع الناتج 23.11».

وأضافت « إنه 30 جنيه يعني زودت كمان عن الحد الأدنى بشويه، و 30 جنيه الحد الأدنى يعني طلع أكتر من 30 جنيه لو معاك ودخلك يسمح لك». وقالت «بس اللى مش هيقدر فأقل حاجه يطلعها عن الفرد 30 جنيه، طيب أنا شايف إن 30 جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن 30 جنيه ولا تلزم غيرك يطلع زيك لأن ممكن يكون غير قادر».

وأوضحت أن الزكاة «تخرج قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر».