بشرى من السيسي للمتقدمين للحصول على شقق الإسكان الاجتماعي (فيديو)

طمأن الرئيس عبدالفتاح السيسي المتقدمين للحصول على شقق بمشروعات الإسكان الاجتماعي الذين تأخر تسليمهم الوحدات، خلال كلمته في جلسة «المشروعات القومية والبنية التحتية»، ضمن مؤتم حكاية وطن، اليوم الأحد.

وينتظر مئات الآلاف من المصريين تحديد موقفهم من الحصول على الوحدات سكن لكل المصريين 3، رغم مرور عام كامل منذ بدء تلقي طلبات التقديم للتعاقد على الشقق واستلامها بشكل فوري.

كلمة السيسي عن أزمة تسليم شقق الإسكان الاجتماعي

قال الرئيس السيسي خلال الجلسة: «الدولة حاجة تانية غير الكلام، الدكتور مصطفى مدبولي وكامل الوزير بييجوا يطلبوا فلوس.. كامل عايز يخلص حاجته وأنا معاه بس منين بقى؟».

ووجه الرئيس حديثه لوزير الإسكان عاصم الجزار: «مينفعش يتقدم طلب للإسكان الاجتماعي ونقدم للناس مش وعود.. لا، نبني».

وأضاف السيسي: «أنا هقولكم وهقول لأعضاء البرلمان.. موضوع الوحدات الشاغرة الـ 2 مليون، ما لم يكن هناك قانون يخلي الناس تنسى ثقافة الخوف على الوحدة السكنية اللي ممكن تديها لحد هتفضل الفكرة دي غير قابلة للنجاح».

وتابع: «اتشكل ثقافة خلال السنين اللي فاتت الخوف على الوحدة السكنية لإن المحامين والقضاء والقوانين كانت تقف دائما عقبة ما بين الإحساس بالاطمئنان الشديد لصاحب الشقة، وبالتالي يفضل إنه يقفلها أو يبيعها، ويقول خليها أحسن وبناقص ألف جنيه إيجار».

وقال: «ما لم يكن هناك قانون قوي حاسم سريع للموضوع ده هتفقد الـ 2 مليون، لإن لو قلت المتوسط بتاعهم 500 ألف يبقى تريليون جنيه، يعني بفقد إن الناس يتسهلها لإن إيجارها مش هيكون زي الوحدة الجديدة».