ماذا فعل محمد سلام وما هي علاقته بفلسطين وإسرائيل؟

أصبح الفنان الشاب محمد سلام محل اهتمام وتساؤل من جانب العديد من الجمهور والمهتمين بالوسط الفني، وحيث يتساءل العديد ماذا فعل محمد سلام وما هي علاقته بفلسطين وإسرائيل؟.

 تعود بداية أزمة الفنان محمد سلام بخروجه بمقطع مصور عبر صفحته الشخصية على موقع التواصل الاجتماعي فيسبوك، يكشف فيها عن موقف من المشاركة في إحدى المسرحيات التي من المقرر عرضها في موسم الرياض 2023.

واعتذر الفنان محمد سلام، عن المشاركة في مسرحية «زواج اصطناعي»، وذلك بسبب ما يحدث في فلسطين من عدوان إسرائيلي على الشعب العربي الشقيق، معتبراً أن المشاركة في أعمال ترفيهية وكوميدية خيانة للشعب الفلسطيني.

محمد سلام عمل اية؟

ونال حديث الفنان محمد سلام إعجاب العديد ممن شاهدوا المقطع المصور، والذي جاء كالتالي:

«إن شاء الله هسافر بكره الرياض..عشان أعرض مسرحية زواج اصطناعي.. والمفروض إنها مسرحية كوميدية.. وفيها أغاني واستعراضات..والمفروض إننا هنعرض إن شاء الله يوم 30.. وهنعرض في وسط الأحداث اللي بتحصل في غزة..مش متخيل إني هروح اعمل مسرحية واهزر واغني وارقص..واخواتنا في فلسطين عمالين بيتقتلوا.. ويدبحوا ومفيش حاجة بتحصل.. أنا مش هقدر اسافر طبعًا».     

«ليه بقول الكلام ده في آخر لحظة؟.. أنا كنت على أمل طول الفترة اللي فاتت.. إن الموسم يتلغي أو يتأجل زي ما حصل في مهرجان الجونة والقاهرة.. أو يحصل إن الموضوع يهدى في فلسطين في غزة.. والناس تدخل.. ونقدر نعرض.. بس مفيش حاجة بتحصل.. وتقريبًا فيه ناس عماله تموت لحد دلوقتي.. ومفيش حاجة بتحصل.. فأنا ازاي هروح اعرض..والناس بيحصلهم كده في فلسطين؟».  

«سامحوني إذا كان إحساسي أوفر شوية.. حاسس إني لو عملت كده.. زي اللي بقتلهم بالظبط.. إني خذلتهم.. مش عارف اعملهم حاجة.. كفاية علينا السكوت اللي احنا فيه كلنا.. ومفيش حاجة بتحصلهم.. مش بس هكون ساكت.. لا هكون بغني وارقص.. واللي بيحصل بيحصل في فلسطين.. أنا بعتذر جدًا عن إني أشارك في موسم الرياض.. والمشكلة إن دلوقتي.. اللي بيحصل في فلسطين ده.. ديه قضية كل مسلم في المقام الأول.. والمفروض الواجب  على كل المسلمين إنهم يساعدوا إخوانهم في غزة.. ويحاولوا يقدمولهم أي مساعدة..  فأنا دلوقتي مفيش حاجة أقدر اعملها زينا زي ناس كتير دلوقتي.. نفسنا نساعد بس للأسف مش قادرين نعملهم حاجة».

«دلوقتي لما ربنا يتوفانا ونتسأل.. أنت ساعدت اخوك المسلم في فلسطين عملتله إيه؟.. اللي مقدرش يعمل حاجة هيسكت طبعًا.. أنا هرد هقول إيه؟.. هقول إن في الوقت اللي كان فيه اخواتنا في فلسطين.. بيضربوا ويموتوا ويدبحوا الاطفال والنساء.. انا كنت بعمل مسرحية كوميدية.. وبضحك الناس وبرقص واغني.. طبعًا لا مش هقدر اعمل كده.. كان عندي أمل الموسم يتبدل أو يتلغي.. لكن هو مازال قائم.. وماليش في إني اتدخل ليه هو قائم.. مش هقدر أكون جزء في اللي بيحصل.. ومش هقدر أشارك في الموسم.. والمفروض إننا منكتفيش بالدعاء لأخواتنا في فلسطين.. معرفش إيه تاني يحصل.. بس ميكونش الدعاء بس»  

«وحابب قبل ما اقفل اقول اللهم طهر قلبي من النفاق.. وأعمالي من الرياء.. الفيديو  ده معمول.. لأني فعلًا في مشكلة.. لأني بقالي كتير جدًا.. مش عارف اسافر ولا اعمل إيه.. وامبارح كنت قاعد مع فنانين.. وقالولي سافر ده أكل عيشك.. وهو فعلًا التمثيل ده رزقي ورزق أولادي.. واللي بيصرف عليه.. دلوقتي أنا لو مسافرتش هل هموت من الجوع؟.. أكيد لا.. بس الناس هي اللي هتموت في غزة.. ولو حد هاجمني هيقول بس التمثيل ده رسالة.. أنا عارف طبعًا.. خصوصا الكوميديا إني اضحك حد واضفي روح البهجة.. والمفروض فكرة إن دخول البهجة على قلب حد له أجر.. بس السؤال مين اللي احنا محتاجين ندخل البهجة على قلبه دلوقتي مين؟.. شكرًا».