إعلانات هادفة سنتذكرها لرمضان 2016
رمضان السنادي فيه إعلانات كتير كالعادة، منها إعلانات أثارت الجدل، ومنها إعلانات تانية قدمت رسالة هادفة في محتواها، والإعلانات دي هي اللي هنتكلم عنها في الموضوع ده.
بيبسي
اخلق من العتمة نور وانشر أملك وسعادتك على خلق الله وهتقدر تخليهم يعدوا أي صعاب في الحياة، دي رسايل موجودة من خلال رحلة إزازة بيبسي، رسايل نقدر نقول عليها سند لينا عشان نعرف نكمل الحياة مع بعض بحب وسعادة.
فواصل الإعلانات مزعجة في رمضان؟ دليلك للتخلص منها
ارسم قلب
جمد قلبك النور مخلوق لعينيك، رسالة قوية قدمها إعلان مستشفى مجدي يعقوب لأي حد مريض بالقلب إنه يجمد قلبه وإن بالعلاج هيكون قلبه عال العال :)
دايس Vs قطونيل.. ثنائيات قصف الجبهة في الإعلانات
ترشيد استهلاك الوقود
كل ما وفرت في استهلاك البنزين والسولار والغاز الطبيعي كل ما وفرت في طاقة البلد و وفرت لنفسك، دي رسالة بتقدمها المبادرة المصرية لترشيد إستهلاك الوقود لكل مواطن مصري في الإعلان ده.
شوفت إعلان «القعدة» بتاع الملابس الداخلية؟.. أهو ده إهانة للنساء
تخيل بكرة
إعلان تخيل بكرة مع إتصالات بيدي طاقة إيجابية للواحد ورسالة يحطها دايمًا حلقة في ودانه بتقول إن مسير الحياة تروق وتحلى وإن دايمًا خلي عندك أمل.
بهذه الطرق تخدعك الإعلانات دون أن تدري.. (اسمع)
فودافون
لمة العيلة حوالين ترابيزة واحدة رسالة بيقدمها إعلان فودافون والرسالة دي مش بس عشان رمضان لأ ده في غير رمضان لازم نرجع نتلم على تربيزة واحدة والتكنولوجيا متاخدناش من بعض.
ڤودافون – العيلة الكبيرة رمضان 2016العيلة مش بس قرايب دي جيران و صحاب و حبايب مهما عيلتك كبرت هنجمعك بيهم كل سنه وانتم طيبين ..رمضان كريم ڤودافون قوتك في عيلتك #العيلة_الكبيرة Posted by Vodafone Egypt on Monday, June 6, 2016
لماذا اختفت الأعمال التاريخية من الدراما؟
حنين ومستشفى 57
حنين في إعلان مستشفى 57357 بتقول رسالة لأي حد مريض بالسرطان وعايش في مأساة نفسية إنه بالعلاج هيشفى من المرض زي ما هي بقت كويسة.
وفي إعلانات تانية كانت بتناشد إن الناس تدعم مريض السرطان. أبسط حاجة مثلًا ممكن تعملها إن لو صاحبك عنده سرطان إنك تحلق راسك زيرو عشان تخفف عليه إحساسه إن شايف شعره بيوقع. ومحتوى الإعلان كان بيقدم رسايل إيجابية وتدعيمية لمريض السرطان وأهله.
إعلانات أوقفها جهاز حماية المستهلك
