رمضان وش الخير عليهم.. هؤلاء الشباب لمعوا في دراما 2016
رمضان السنة ديه كان فيه أكتر من 30 مسلسل. ومع قرب نهايته حبينا نرصد ليكوا في الموضوع ده بعض النجوم الشباب اللي نقدر نقول إن نجمهم لمع من خلال الأدوار اللي قدموها في رمضان السنة ديه.
نهى عابدين
دنيا في مسلسل ونوس قدرت من أول طلة تشدنا ليها وده لأنها متقمصة الشخصية صح وعرفت إزاي تخلينا نحبها وفي نفس الوقت نقلق منها وقدرتها على إنها توصلنا الإحساسين دول.
والناس تتكلم عن تميزها في مسلسل ونوس. وعلى الرغم إن نهى مثلت في مسلسلات وأفلام قبل كدة زي مسلسل فرق توقيت وفيلم بعد طوفان لكن مسلسل ونوس يعتبر الإنطلاقة لموهبة نهى الفنية.
مي عمرمي عمر ظهرت قبل كدة في دور مميز في مسلسل حكاية حياة ومع مسلسل الأسطورة مي لسة محافظة على تقديمها للدور اللي يخليها تلمع في نظر الجمهور ويشوفوها موهبة فنية مختلفة تستحق الواحد يتفرج عليها.
محمود حجازيمحمود حجازي طالع في 3 أدوار في أعمال مختلفة في رمضان السنة ديه. ونوس و القيصر والطبال وفي كل مسلسل قدر إنه يقدم شخصية مختلفة عن المسلسل اللي قبله ونقدر نقول إن مسلسل ونوس كان من الأدوار المميزة ليه. واللي مشاهده فيه مع ونوس قدرت إنها تعلم مع الناس. نيقولا معوض
نيقولا من أصل لبناني مثل في أعمال قبل كدة في لبنان لكن في مصر مسلسل ونوس هو أول عمل مصري يمثل فيه واللهجة المصرية بالنسبة ليه كانت سهلة لأنه اتمرن عليها وقت كبير قبل ما يبدأ في تصوير المسلسل.
وعشان كدة أول ما شوفناه محسناش إن اللهجة مأثرة على أدائه للشخصية وحسينا إنه في حالة إنسجام مع العمل ومع دوره.
خالد كمالخالد كمال نجم ليه طلة كلاسيكية على الشاشة عنده قدرة إنه بملامحه وتمكنه من أدواته التمثيلية يجذب ليه الناس وده اللي حصل لما شوفناه في مسلسل طريقي ومسلسل جراند أوتيل السنة ديه وبرضه في مسلسل الطبال. مي حمدي
لماكنا بنعمل موضوع عن الأمراض النفسية في مسلسلات رمضان حقيقة ولا خيال؟ وسألنا الدكتور النفسي جمال فرويز عن رأيه قالنا في وسط كلامه إن مي حمدي في مسلسل سقوط حر كان عندها قدرة فائقة على إستخدام تعبيرات وشها وهى بتجسد حالة المريضة النفسية. وفعلًا قدرت إنها تجسد الحالة صح وتخلينا متشوقين نشوفها في أعمال تانية.
أسماء فوزي
أسماء في مسلسل سقوط حر حلقت راسها بالكامل عشان تقدر تطلع الدور اللي بتجسده بمصداقية شديدة وعلى الرغم من قلة الحلقات اللي طلعت فيها لكن قدرت تخلي الناس كلها تتكلم عن قدرتها المتميزة في تجسيد الحالة اللي بتأديها في مستشفى العباسية .وعملت أسماء أعمال فنية وسينمائية قبل كدة زي سيت كوم «فيس أبوك» ومسلسل بين السرايات لكن نجمها الفني لمع في سقوط حر.
ايمان الحلو
التحول الجنسي قرار خده ناس كان نفسها تحول من راجل لبنت أو العكس لكن فيه ناس بتكون عايزة تاخد القرار ده بس المجتمع مش رحمها وإيمان الحلو في مسلسل سقوط حر قدرت تعبر عن حالة البنت اللي نفسها تتحول لراجل لأنها شايفة نفسها منهم.
وفعلًا بطريقة كلامها ومشيتها وتفاصيلها قدرت تقنعك إنها منهم وعلى الرغم إنها مثلت في مسلسل بين السرايات والهروب وغيرها من الأعمال لكن دورها في سقوط حر كان دور لامع جدًا لأنها تناولت قضية حساسة في مجتمعنا بكل جوانبها.
https://youtu.be/K1FxxJshDm0?t=1159
محمد حاتم
محمد حاتم في مسلسل جراند أوتيل وفي مسلسل طريقي السنة اللي فاتت قدر إنه يقدم لينا شخصيات مختلفة وأداءه في الشخصيتين كان متميز جدًا ومحمد أسلوب تمثيله طبيعي وسلس وعشان كدة قدر يوصل إحساسه للناس ويأثر فيهم بأدواره المتميزة ويكون ليه بريق تمثيله الخاص.
https://youtu.be/xEmSn3kkOqM?list=PLkramM0TowIYHxlfkBvU6YJJuzGt3umES&t=601
هند عبد الحليم
