رئيس التحرير أحمد متولي
 «الدعم لضحايا متحرش طنطا» هاشتاج بشهادات ضد طبيب نفسي يتحرش بمرضاه

«الدعم لضحايا متحرش طنطا» هاشتاج بشهادات ضد طبيب نفسي يتحرش بمرضاه

تصدر وسم #الدعم_لضحايا_متحرش_طنطا، مواقع التواصل الاجتماعي، والذي يحمل شهادات لفتيات، ضد طبيب نفسي في مدينة طنطا تحرش بالعديد من مرضاه، وفي السطور التالية، ينشر «شبابيك»، تفاصيل الواقعة.

#الدعم_لضحايا_متحرش_طنطا

حمل الهاشتاج العديد من الشهادات، ومنها «بنت طنطاوية اتشجعت وحكت عن تحرش دكتورها النفسي بيها واللي اسمه (أ . ج) , والمفاجأة ان الدكتور طلع ليه ضحايا بنات كتير ومن سنين وبدأوا يظهروا ويحكوا اللي حصل معاهم , هنعرض عليكم اللي حصل على لسان الضحايا , كل ضحية في بوست منفرد لأن بعضهم حكياتهم طويلة بالتفاصيل , ودي أول ضحية.. ياريت نهتم وننشر البوستات دي لانقاذ بناتنا من الوقوع في الأذى النفسي اللي عمره ما بيتنسي».

وكتبت إحدى المشاركات، منشور جاء به: «مش بنت واحدة دول أكتر من بنت.. دوسوا علي الهاشتاج هتلاقوا كلام البنات و ياريت اللي حصل معاه حاجة يروح يبلغ عنه لأنها مش أول مرة له.. و يبقي القضاء يجيب الحق لأصحابه سواء البنات أو الدكتور».

وكتبت فتاة آخرى: «وش أول مره حد ينزل تحذير منه ومحدش كان بيعمله حاجة، بس واضح إن نصيب ستره خلص بقى المفروض تحت الهاشتاج ده تعملو هاشتاج تاني باسمه عشان الناس تعرفه والناس كلها عارفاه أصلا بس لو فيه حد ميعرفش، وزي ما انطرد من السنتر الكبير قبل كده عادي ممكن ينطرد من السنتر اللي هو فيه ويكمل في أي مكان تاني لكن لما تكتبو اسمه خلاص كله هيعرف ولازم يتعاقب.. ربنا ينجينا».

اتهامات بالتحرش لطبيب نفسي في طنطا

وبدأت الواقعة، بعد تداول العديد من الشهادات لفتيات، يتهمن طبيب نفسي في طنطا بالتحرش بالمرضى من النساء، ويوهمن بالعلاج النفسي من خلال التلامس والأحضان، وأنها طريقة معتمدة من الخارج، وتوالت الشهادات من فتيات عدة.

وبدأت فتيات عدة يرون تجاربهن مع الطبيب، وأخريات يطالبون بتقديم الدعم لضحايا التحرش، والقبض على الطبيب، وملاحقته قانونيا.

عمر مصطفى

عمر مصطفى

صحفي مصري يقيم في محافظة الجيزة ومتخصص في ملف التعليم وكتابة الأخبار العاجلة منذ عام 2011