قصص قبل النوم للأطفال سن 6

يهوى الصغار سماع الحواديت سواء خيالية أو واقعية قبل الخلود إلى النوم، لذلك نستعرض قصص قبل النوم للأطفال سن 6.

قصص قبل النوم للأطفال سن 6

ويحرص الكثير من الآباء والأمهات على حكاية قصص قبل النوم للأطفال سن 6 وفي أعمار أصغر وأكبر أيضًا، لزيادة خيال أطفالهم وتنمية مهاراتهم، وينشر «شبابيك» بعض من القصص البسيطة والشيقة، ومنها:

• الثعلب المكار

(كان يا مكان.. في يوم من الأيام كان الثعلب ماشي كسلان وبيدور على حاجة يأكلها، وكل الحيوانات كانت نشيطة، وأي واحد منهم بيشوفه بيبعد عنه ومش بيتكلم معاه، عشان محدش بيحبه لأنه بيخدعهم ويأذيهم دايمًا).

(الثعلب شاف أرنب صغير معاه جزرة كبيرة، مشي لحد ما وصل عنه، وسأله عامل ايه؟ ورايح فين؟، لما الأرنب بص وشاف الثعلب خاف أوي وحاول يهرب، بس هو قاله متخافش أنا عايز ألعب معاك بس.. رأيك ايه؟، والأرنب قاله مكار وكل الناس بتتأذي منه).

(الثعلب ضحك، وقاله أنا هثبتلك إني مش شرير وهروح معاك عند بيتك عشان نلعب، ووافق الأرنب، ودخل البيت وساب الجزرة جوه، وخرج عشان يلعب، وبدأ يجري حوالين الأشجار وهو فرحان، والثعلب كان عامل نفسه بيلعب معاه، وبعدين أخد باله أن بعيد عن البيت).

(الثعلب ظهر عليه الغضب وبدأ قرب من الأرنب عشان يأكله، بس هو أخد باله في اللحظة الأخيرة، وحس أنه غلط لما سمع كلامه، وجري بسرعة لحد البيت، والثعلب المكار حاول يلحقه بس تعب ووقع على الأرض).

(الأرنب أول ما وصل البيت حكي لأمه اللي حصل وقعد يعيط، وأعتذر لها عشان مسمعش كلامها والثعلب كان هيأكله، ووعدها أنه هيسمع كلامها على طول).

• رحلة إلى عالم الخيال

(كان يا مكان.. في يوم من الأيام كان في بنت صغيرة اسمها سارة، بتحب قصص الخيال، وفي مرة وهي على السرير بتحاول تنام حست أنها أول ما تغمض عينيها هتدخل في عالم الأحلام إلى بتحبه وهتعيش مغامرة حلوة).

(غمضت سارة عينيها، ولقت نفسها في عالم مليان بالعجائب، ووصلت في الأول لغابة سحرية، شافت فيها جنيات وأقزام، وحكوا لها عن النجوم في السماء والورود بالألوان الحلوة، وبعد كده وصلت للبحر، وقابلت هناك أسماك بتتكلم، وقالولها عن المغامرات في أعماق البحار، وخدتها سمكة كبيرة في جولة).

(وصلت سارة بعد كده لقمة جبل عال، وقابلت تنين عجوز بس طيب، وقعد معاها وحكلها قصص عن الصداقة والشجاعة، وكما طار بيها فوق السحاب، وبعد كده فاقت لقت نفسها على السرير، وكانت مبسوطة بالرحلة المثيرة اللي عاشتها).

• عصفورة الغابة اللطيفة

(كان يا مكان.. في يوم من الأيام كان في عصفورة حلوة اسمها توتو موجودة في غابة جميلة، وكل الحيوانات كانت بتحب العصفورة اللطيفة، عشان شكلها حلو وعشان كانت بتحب وهي بتطير تتكلم مع أصحابها زي السناجب والفراشات).

(وفي يوم من الأيام، الأرنب صاحبها قالها أن في مشكلة في الغابة، كان النهر بدأ يجف عشان قلة الأمطار، وحس الحيوانات بالقلق عشان شرب المياه والزراعة، وهنا قررت توتو ل المشكلة دي، وطارت في الغابة كلها بتدور على مكان في مياه، وبعد أيام طويلة لقت ينبوع صغير، وطارت بسرعة عشان تفرح أصحابها).

(توتو جمعت كل الحيوانات وشرحتلهم، وقرروا يروحوا عشان يجيبوا المياه ويوزعوها، وعملوا كده بنجاح، والعصفورة اللطيفة كانت بتقدملها النصايح وتوجهم، وبعد كام يوم مطرت الغابة ورجع النهر تاني، والغابة بقت أجمل، وكل الحيوانات شكروا توتو على مجهودها).