لكل الرجالة.. إزاي تساعد مراتك وقت الحمل
مراتك وهي حامل بتبقى في مرحلة صعبة ومتعبة، ومساعدتك ليها وتعاونك معاها هو اللي هيخلى الفترة دي تمر بسلام، خصوصا إنها بتكون محتاجالك.
وأنت بتتعامل مع مراتك في الفترة دي حط نفسك مكانها دايمًا، لأنها محتاجة تحس أنك مقدرها وعشان كدة أستاذ الطب النفسي محمد مزيد بيقولك في الموضوع ده إزاي تقدر مراتك في فترة حملها.
الكلمة الحلوة
الكلام الحلو دايمًا بيكون ليه مفعول السحر على قلب الأنثى وعشان كدة كتر من كلامك الحلو ليها عرفها قد إيه أنك بتحبها وقد إيه ربنا كرمك بيها ومتبصش أبدًا على إن كلامك الحلو ده ضعف أو هيخليها «تنفش ريشها عليك» زي ما بيقولوا لأن الكلام الحلو ده هيعرفها قد إيه إنها عرفت تختار صح وأن معاها قلب بيحبها وراجل سند ليها في حياتها ومرضها.
عايز ولد ولا بنت
لو كنت عايز بنت وعرفت من السونار أنه ولد أو العكس متحولش أنك تثير غضبها أو تحملها مسؤولية الموضوع ده، أو أنك تحلف إن لو مجاش اللي أنت عايزه هتتجوز عليها وخليك مؤمن وواثق أن كل اللي يجيبه ربنا كويس سواء بنت أو ولد والمهم أنها تقوم بالسلامة.
الإحترامالدين دايمًا بيحس على احترام المرأة. والأمثلة على كدة كتيرة جدًا زي قول الرسول (ص) «رفقًا بالقوارير»، وكمان معاملة الرسول (ص) لزوجاته، كانت هي المعاملة اللي بينضرب بيها المثل العظيم على مر الأجيال. وكل الأمثلة دية لما ترجع ليها هتخليك تفكر بدل المرة ألف قبل ما تحاول تعصبها أو تشتمها أو تضربها.
الهدية مفاجأة
اقعد مع نفسك كدة وفكر هى بتحب إيه أو كان نفسها في إيه واعملها مفاجأة وهتلها هدية تفرحها وتخليها عمرها ما تنسى اليوم ده وياسلام لو المفاجأة ديه عملتها في مكان كان نفسها تروحوا من زمان هتبقى حاجة حلوة قوي وهتغير من مودها ومزاجها اللي هيكون مقريف من الحمل.
روح للدكتور
روح معاها زيارتها للدكتور وخليك مهتم أنك تطمن على الجنين لأن كل ده هيطمنها أنها مش لوحدها وأنك واقف جمبها وبتساعدها وهمك أنها تقوم بالسلامة هى وابنك أو بنتك :)
ساعدهاوضب معاها البيت واعمل معاها الأكل. ساعدها لأن صحتها في الحمل مش هتكون مساعدها على أنها تعمل مجهود كبير في البيت، وبص على مساعدتك ليها أنها حب مش تقليل من رجولتك.
هيعجبك:
