حامل البيبي.. خطورته أكبر من راحتك

كتير قوي بتزهقي من كتر شيلك لطفلك على إيديكي فبتريحي دماغك وبتشيليه بحامل البيبي. طب لو عرفتي إن الحامل ده على قد ما بيريحك على قد ما بيسبب خطر كبير للبيبي.

في التقرير ده «شبابيك» هيعرفك الخطر ده اللي بتوضحوا ليكي استشاري الأطفال الدكتورة نهى أبو الوفا.

الأضرار

حامل البيبي في المطلق بيعمل تقوص في مفصل الفخد ولو اتحط الطفل الأقل من 3 شهور في الحامل هيعمله مزق في عضلة الرقبة ولو كان أقل من 6 شهور هيعمله تقوص في عضلة العمود الفقري.

النصيحة

وبتنصحك الدكتورة إنك لما تشتري حامل البيبي لازم تسألي المحل ودكتور الأطفال بتاع ابنك أو بنتك عن الوضع السليم اللي تحطي فيه الطفل لأن لازم الحمالات تتشد بوضع معين والدكتورة بتنصحك كمان إنك تجيبي الحمالات العريضة عشان تكوني مرتاحة وانتي شايلة طفلك.

ولو كان طفلك وزنه تقيل بتنصحك الدكتورة إنك متستخدميش حامل البيبي، وتستخدمي البوسات اللي بعجل تحركيه بيه أو الكرسي العربية اللي تقدري بيه تشيليه بإيديك والحاجتين دول أحسن ليه عشان يكون ضهروا ورقبتوا مظبوطين.  

اخترنا لك..