شاهد.. أغرب البيوت في العالم (2/2)
عرضنا في تقرير سابق صور للمجموعة بيوت متصنفة على إنها من أغرب البيوت في العالم، وفي التقرير ده هنعرض صور لمجموعة جديدة من المنازل اللي هتخلينا نزبهل من غرابتها :D
أصغر بيت - برلين
مهندس قرر إنه يبني أصغر بيت في العالم وممكن يتحط في أي مكان لأنه مش بياخد مساحة كبيرة وأي حد عايز يسكن البيت ده بيدفع يورو في الليلة الواحدة.
أما البيت ده اللي شبه الصندوق فإللي صممه حط فيه كل إحتياجاته عشان يقدر في أي وقت لو اتضايق من دوشة جيرانه يقعد جواه.
نفق خشب
الصورة ديه من الصور اللي شدتنا برده أول لما شوفناه معرفناش مكانها فين بالظبط بس كان مكتوب عنها تفاصيل إن اللي صمموا البيت عملوه كأنه نفق خشب بس بطريقة مختلفة جدًا إستعملوا فيها الخشب المتكسر ده.
اليابان
البيت ده في اليابان وبيتميز بالألوان والأشكال الهندسية المختلفة.
مومباي
البيت ده من أغلى البيوت في العالم و سعر الشقة فيه بتوصل لمليار دولار وبيتكون من 27 دور.
أمريكا
البيت على شكل سفينة فضاء وأخد شعبية كبيرة من خلال الصحف والمجلات والبرامج التليفزيونية وبيطل البيت على نهر تينيسي وعلى مناظر جميلة خلابة :)
بيت المشروم
ده إسم البيت اللي قدامنا ده واللي بناه أستاذ في العمارة إسمه تيري براون سنة 1990 وكمل بناه في سنة 2000 وغرضه من بناه إنه يجسد حركة الطبيعة والموسيقى في الهندسة المعمارية.
فرنسا
ده شكل بيت مختلف مابين صخرتين كبار والسلم اللي إنتوا شايفينوا ده هو اللي بيطلع عليه الناس. والبيت ده موجود في فرنسا.
كوستاريكا
الطيارة ديه كانت بتنقل ناس من جنوب أفريقيا لكولومبيا ورحلتها إنتهت في مطار سان خوسيه بعد كدة ناس قرروا إنهم يشتروها ويخلوها بيت في مدينة كوستاريكا وإتكلف نقل الطيارة لكوستاريكا 4000 دولار وعشان تتجدد وتبقى بيت إدفع مبلغ 24000 دولار.
اليابان
بيت على شكل كورة لو زلزال جه مش هيتأثر خالص لأن هيكله قوي جدًا وسعر البيت أقل من 15،000 دولار.
النمسا
أما بقى البيت ده اللي على شكل عربية فبناه مهندس معماري مخصوص لأسرة مكونة من أربع أفراد في مقاطعة سالزبورغ النمساوي.
البرازيل
البيت ده صاحبه بيسميه دار الحجر وإستخدم في بناه كل أنواع الأحجار مع فازات وكوبايات وأطباق ملونة.
المصادر
