رئيس التحرير أحمد متولي
 الأفلام الإباحية.. «عشان رجلك متجيش في الخيه»

الأفلام الإباحية.. «عشان رجلك متجيش في الخيه»

مش هنتكلم عن احصائيات ولا هنقول إن معظم الشباب بيتفرجوا على أفلام إباحية، ولكن هنتكلم عن ازاي بتيجي رجلينا في "الخيه" زي ما بيقولو، عشان لو بتتفرج على الأفلام دي تعرف ازاي تقاوم ده وتبطل تتفرج تاني.

اللبيدو

أول مرة تفكر تتفرج على أفلام إباحية بتكون في فترة المراهقة.. بيكون نفسك تشبع الغرائز الطبيعية الموجودة جواك، اللي بتعرف علميا بـ«اللبيدو» وده مصطلح ذكره الطبيب النسماوي سيغموند فرويد في التسعينات من القرن التاسع عشر.

البداية

التفكير في الغريزة كتير والاستسلام ليها بيخليها تكبر وتسيطر عليك، وده هيخليك تفكر تتفرج على أفلام إباحية، وطبعا النتيجة الطبيعية تمارس العادة السرية.. للعادة السرية أضرار كتير اهمها إنها بتسبب «الغباء»  عشان تعرف تفاصيل أكتر اقرا مخاطر العادة السرية.

حاول إنك تتجاوز المرحلة دي بإنك تشغل تفكير بالقراءة أو الرياضة أو أي شئ بتحبه.. شخصيا كنت بتجاوز المرحلة دي بإني بلعب كورة يوميا.. وطبعا لو مارست العادة السرية وحبيت تلعب كورة شكلك هيكسف صدقني، فلو انت بتحب الكورة مش هتحب تظهر في صورة وحشة.

مرض مدمر

لو تجاوزت الفترة دي من غير متلجأ لاشباع الشهوة دي بطريقة غلط، مش هتتفرج عليها مستقبلا ولا هتمارس العادة السرية وانت متجوز.. آه فيه ناس بتمارس العادة السرية وهي متجوزة لأنها اتحولت لمرض عندهم.. ← لو عايز تعرف إزاي ممكن تدمر زواجك بإيديك اقرا الموضوع ده تأثير الأفلام الإباحية على زواجك.

لو أنت خلاص من الناس اللي بتتفرج على أفلام إباحية، فأكيد الموضوع بدأ معاك بإنك عايز تشوف زي م قولنا في الأول، بعدين ابتديت مع الوقت تحس بالذنب بعد كل مرة تتفرج فيها على فيلم إباحي وتمارس بعده العادة السرية.. وفيه ناس بتدخل في مرحلة اكتئاب بجد.

تضحك على نفسك

خلي بالك الناس اللي زيك في المرحلة دي بتضحك على نفسها وتقول هتفرج على فيلم إباحي فيه قصة.. آه والله بيقولو كده، وبعدين لما يجيي المشهد إياه، يقعدو يعيدو ويزيدو فيه لحد ما المقاومة جواهم تنهار وميقدروش يمنعوا نفسهم عن ممارسة العادة السرية.. لو أنت في المرحلة دي متصدقش شيطانك بأنك هتتفرج بس ومش هتعمل حاجه ماهو فيلم فيه قصة.

ليفل خطير

الليفل اللي بعد كده بقى، الناس اللي فيه بتضحك على نفسها بأنها تقول إنها هتدخل تتفرج على الخلاصة.. هتتفرج على الحاجة التوب بس ومش هتعمل حاجه.. بتفهم نفسها أنها خلاص بقت خبرة والناس دي بتقعد تلف كتير ما بين المواقع.. وبعد لف وفرجه كتير المقاومة بتنهار.

لو أنت في المرحلة دي متمشيش ورا شيطانك.. انت خلاص بقيلك خطوات وتدخل في مرحلة خطيرة..  لو عايز تعرف أضرار أكتر اقرا الموضوع ده هي الأفلام الإباحية مفيدة ؟!

الإصابة بـ"سرعة القذف" في المرحلة دي على سبيل المثال مؤكدة بنسبة 100%.. يعني م الآخر هتتحط في موقف زبالة لما تتجوز.. ولو فكرت إنك تعتمد على أدوية لتأخير عملية القذف، هتوصل لمرحلة إنك مش هتقدر تعمل حاجه من غير الحباية الزرقا أو الحمرا.. أيا كان لونها.. هتجرب كله وفي الآخر هتقول ياريتني ممشيتش في الطريق ده.

دور جوه ذاتك

كل واحد جواه حاجه يقدر بيها يقاوم الشهوة اللي جواه، دور جو نفسك عن الحاجة دي اللي تقدر بيها تحافظ على نفسك عشان رجلك ما تجيش في الخيه وتضيع نفسك بنفسك.. دور عليها واستفاد كمان من التقرير  ده   كيف تقلع عن مشاهدة الأفلام الإباحية؟ 

هؤلاء ورطونا

طبعا المشاكل الجنسية اللي بنقع فيها مش سببها بس الفرجة على الأفلام الإباحية.. للأسف في ناس بتورط الشباب في المشاكل دي.. ← لو عايز تعرف الناس دي اقرا الموضوع ده: هؤلاء يورطون الشباب في المشاكل الجنسية 

الأب والأم عليهم دور كبير في تربية الأجيال الجديدة تربية سليمة تقيهم الوقوع في المشاكل الجنسية اللي اتكلمنها عليها..  لو أنت أب/ أم جديد/ة لازم تقرا الموضوع ده: كيف يتحدث الآباء مع أطفالهم عن «الثقافة الجنسية»؟ 

كلمة أخيرة

في شبابيك لما فكرنا نعمل ملف (الأفلام الإباحية VS الثقافة الجنسية) كان هدفنا نقول ان انتصار الشمال – التفكير الخاطئ – في حياتنا وعلى صفحات الجرايد وشاشات التلفزيون هيطلع جيل متحرش، مريض بالجنس، الغريزة الحيوانية هي اللي بتحركه، وفاشل في كل شئ..

مش عيب إنك تثقف نفسك جنسيا، بس العيب إن تفكيرك يبقى زي الحيوان، كله جنس وتبرر وتقول بصبر نفسي.

أخيرا.. لو عايز تعرف ليه الثقافة الجنسية مهمة وإيه الهدف من التثقيف الجنسي اقرا ده: «الثقافة الجنسية».. تصحيح مفاهيم وتدارك أخطار 

اقرأ أيضا:

81 % من قراء «شبابيك» يؤيدون غلق المواقع الإباحية

حارب «العجز الجنسي» بـ«فنجان»

للأباء والأمهات.. لو الطفل سأل «أنا جيت إزاي؟» جاوبوه

وشاهد:

إهداء إلى كل من علمونا نفكر شمال!!

شبابيك

شبابيك

منصة إعلامية تخاطب شباب وطلاب مصر